உத்தரவை மீறி பள்ளிகள் திறக்கப்பட்டால் கடும் நடவடிக்கை! கலெக்டர் எச்சரிக்கை

0
48

உத்தரவை மீறி செயல்படும் பள்ளிகள் மீது கடும் நடவடிக்கை எடுக்கப்படும் என்று சென்னை மாவட்ட கலெக்டர் எச்சரிக்கை விடுத்துள்ளார்.

சென்னையில் உத்தரவை மீது திறக்கப்படும் பள்ளிகள் மீது கடும் நடவடிக்கை எடுக்கப்படும் என்று மாவட்ட ஆட்சியர் எச்சரித்துள்ளார்.

தமிழகத்தில் அடுத்த 5 நாட்களுக்கு கன முதல் மிக கனமழை பெய்யும் என்றும், வருகிற 7ஆம் தேதி அன்று மிக அதிக கனமழை பெய்யும் என்றும் ரெட் அலர்ட் விடுக்கப்பட்டுள்ளது. இதன்படி பல மாவட்டங்களில் இரண்டு நாட்களாக நல்ல மழை பெய்து வருகிறது. சென்னையில் நேற்றும் இன்றும் மழை கொட்டித் தீர்த்துள்ளது. தாழ்வான இடங்களில் மழை நீர் தேங்கியது. சென்னையில் பெய்து வரும் கனமழை காரணமாக அனைத்து பள்ளிகளுக்கும் இன்று (வெள்ளிக்கிழமை) விடுமுறை அறிவிக்கப்பட்டுள்ளது. இதே போல காஞ்சிபுரம், திருவள்ளூர் மற்றும் நெல்லை ஆகிய மாவட்டங்களிலும் பள்ளிகளுக்கு விடுமுறை அளிக்கப்படுகிறது.

இந்நிலையில், சென்னையில் உத்தரவை மீது திறக்கப்படும் பள்ளிகள் மீது கடும் நடவடிக்கை எடுக்கப்படும் என்று மாவட்ட ஆட்சியர் எச்சரித்துள்ளார். இது குறித்து அவர் கூறுகையில்,’கனமழை காரணமாக பள்ளிகளுக்கு விடுமுறை அளிக்கப்பட்டுள்ளது. அதையும் மீறி ஒரு சில பள்ளிகள் செயல்படுவதாக தகவல்கள் வருகின்றன. பள்ளிக் குழந்தைகள் மற்றும் மற்ற மாணவர்களுக்கு மழை காரணமாக ஏதேனும் நடந்தால், சம்பந்தப்பட்டவர்கள் மீது கடும் நடவடிக்கை எடுக்கப்படும்.’ இவ்வாறு அவர் கூறியுள்ளார்.

LEAVE A REPLY

Please enter your comment!
Please enter your name here