ஆரம்பத்திலேயே அடி வாங்கிய சார்துல்… 10 பந்து வீசி காயத்தால் வெளியேறினார்….!

0
249

ஹைதராபாத்: விண்டீஸ் அணிக்கு எதிரான இரண்டாவது டெஸ்டில் அறிமுகமாகி வெறும் 10 பந்துகல் வீசிய நிலையில் காயம் காரணமாக இந்திய அணியின் சார்துல் தாகூர் வெளியேறினார்.

இந்தியா வந்துள்ள விண்டீஸ் அணி, 2 டெஸ்ட், 5 ஒருநாள், 3 டி-20 போட்டிகள் கொண்ட தொடரில் பங்கேற்கிறது. ராஜ்கோட்டில் நடந்த முதல் டெஸ்டில் இந்திய அணி ஒரு இன்னிங்சில் 272 ரன்கள் வித்தியாசத்தில் வென்றது.

இந்நிலையில் இரு அணிகள் மோதும் இரண்டாவது டெஸ்ட் போட்டி இன்று ஹைதராபாத்தில் நடக்கிறது. இதில் டாஸ் வென்ற விண்டீஸ் அணி கேப்டன் ஹோல்டர் முதல் பேட்டிங் தேர்வு செய்தார்.

இதில் அறிமுக வீரராக வாய்ப்பு பெற்ற சார்துல் தாகூர், இந்திய அணிக்காக டெஸ்ட் போட்டிகளில் பங்கேற்கும், 294வது வீரர் என்ற பெருமை பெற்றார். இவருக்கு பயிற்சியாளர் ரவி சாஸ்திரி அறிமுக கேப்பை வழங்கினார்.

5வது வீரர்: 
இதன் மூலம் இந்திய அணி இந்த ஆண்டில் மட்டும் டெஸ்டில் 5வது வீரருக்கு வாய்ப்பு வழங்கியது. இந்த ஆண்டில் ஜஸ்பிரீத் பும்ரா, ஹனுமா விஹாரி, ரிஷப் பண்ட், பிரித்வீ ஷா, சார்துல் தாகூர் ஆகியோர் இந்திய டெஸ்ட் அணியில் அறிமுக வாய்ப்பு பெற்றனர்.

* கடந்த 2013ல் ( முகமது ஷமி, ரோகித் சர்மா, அஜின்கியா ரகானே, ஷிகர் தவான், புவனேஷ்வர் குமார்) இதே போல ஒரே ஆண்டில் ஐந்து வீரர்களை இந்திய அணி அறிமுகம் செய்தது.

வெளியேறிய பரிதாபம்: 
ஆனால், இந்திய அணிக்காக இவர் 10 பந்துகள் பவுலிங் செய்த நிலையில், காயம் காரணமாக சார்துல் தாகூர் வெளியேறினார். இதையடுத்து இவருக்கு பதிலாக எஞ்சிய 2 பந்துகளை அஸ்வின் வீசி போட்டியின் 4வது ஓவரை நிறைவு செய்தார்.

முதல் முறையல்ல…..
இந்நிலையில் சமீபத்தில் நடந்த ஆசிய கோப்பை தொடரில் இடுப்பு பகுதியில் ஏற்பட்ட காயம் காரணமாக பாதியில் நாடுதிரும்பினார். கடந்த 2016ல் விண்டீஸ் அணிக்கு எதிரான டெஸ்ட் தொடரில் முதலில் வாய்ப்பு பெற்ற சார்துல் தாகூர் இரண்டு ஆண்டுகளுக்கு பின் தற்போது வாய்ப்பு பெற்றார். ஆனால் வெறும் 10 பந்துகள் மட்டும் வீசிய நிலையில் வெளியேறியது , ஏமாற்றத்தை ஏற்படுத்தியுள்ளது.

LEAVE A REPLY

Please enter your comment!
Please enter your name here