IAS Academy Founder: குடும்பச் சிக்கல் காரணமாக சங்கர் ஐ.ஏ.எஸ் அகாடமி நிறுவனர் தற்கொலை!

0
40

சென்னை: சங்கர் ஐ ஏ எஸ் அகாடமி நிறுவனத்தின் நிறுவனர் சங்கர் தற்கொலை செய்து கொண்டார்.

மிகவும் பிரபலமான ஐஏஎஸ் அகாடமி சங்கர் ஐஏஎஸ் அகாடமி. இதில் படித்து பலர் வெற்றிகரமாக ஐஏஎஸ், ஐபிஎஸ், இதர அரசு வேலைகள் கிடைத்து வாழ்க்கையில் முன்னேறியுள்ளனர். இந்நிலையில் இதன் நிறுவனர் சங்கர் (45 வயது). மயிலாப்பூரில் உள்ள இவரின் வீட்டில் மனைவி, குழந்தைகள் வெளியே சென்றிருந்த நேரத்தில் சங்கர் தூக்கிட்டு தற்கொலை செய்து கொண்டார்.

மனைவி வைஷ்ணவியுடன் நேற்று இரவு ஏற்பட்ட சண்டைக்கு பின் தன் ரூமுக்கு சென்று உள்பக்கமாக பூட்டிக்கொண்டார் சங்கர். பின் காலையில் எவ்வளவு தட்டிய போதும் சங்கர் கதவை திறக்காத காரணத்தால், இவரின் உறவினர்கள், கதவை உடைத்து உள்ளே சென்றனர்.

அங்கு தூக்கில் தொங்கிய சங்கரைப்பார்த்து அதிர்ச்சியடைந்தனர். உடனடியாக அவரை அருகில் உள்ள தனியார் மருத்துவமனைக்கு தூக்கிச்சென்றனர். அவரை சோதித்த மருத்துவர்கள் அவர் இறந்து விட்டதாக தெரிவித்தனர். இதையடுத்து இவரின் உடல் சென்னை ராயப்பேட்டை அரசு மருத்துவமனையில் பிரேத பரிசோதனைக்காக வைக்கப்பட்டுள்ளது.

இதுகுறித்து போலீசார் விசாரணை மேற்கொண்டு வருகின்றனர். ஆனால் தற்கொலை செய்து கொள்ளும் முன் எவ்வித தகவலும் விட்டுச்செல்லவில்லை என போலீசார் தெரிவித்தனர். கிருஷ்ணகிரியை பூர்வீகமாக கொண்ட சங்கர் கடந்த 2004ல் அண்ணாநகரில் சங்கர் ஐஏஎஸ்., அகாடமியை துவங்கினார்.

இதுகுறித்து சங்கர் ஐஏஎஸ்., அகாடமியில் படிக்கும் ஒருவர் கூறுகையில், ‘அவர் சிறந்த அறிவாளி. எங்களை போன்ற மாணவர்களுக்கு அவர் மிகப்பெரிய உந்துசக்தி.’ என்றார்.

LEAVE A REPLY

Please enter your comment!
Please enter your name here