ஹைதராபாத்: விண்டீஸ் அணிக்கு எதிரான இரண்டாவது டெஸ்டில் வெற்றி பெற்ற இந்திய அணி, ஆஸ்திரேலிய அணியின் சாதனையை சமன் செய்தது.
இந்தியா வந்துள்ள விண்டீஸ் அணி, 2 டெஸ்ட், 5 ஒருநாள், 3 டி-20 போட்டிகள் கொண்ட தொடரில் பங்கேற்கிறது. ராஜ்கோட்டில் நடந்த முதல் டெஸ்டில் இந்திய அணி ஒரு இன்னிங்சில் 272 ரன்கள் வித்தியாசத்தில் வென்றது.
ஜூஜூபி இலக்கு:
இதையடுத்து இரண்டாவது இன்னிங்சில் விண்டீஸ் அணி, 127 ரன்களுக்கு ஆல் அவுட்டானது. இதன் மூலம் இந்திய அணிக்கு 72 ரன்கள் இலக்காக நிர்ணயித்தது.
* இப்போட்டியில் இந்திய அணி 10 விக்கெட் வித்தியாசத்தில் வெற்றி பெற்றது.
* இத்தொடரில் அறிமுக வீரராக களமிறங்கிய பிர்த்வீ ஷா, அறிமுக தொடரில் தொடர் நாயகன் விருது வென்ற 10வது வீரர் என்ற பெருமை பெற்றார்.
* விண்டீஸ் அணிக்கு எதிரான டெஸ்ட் தொடரை வென்ற இந்திய அணி, சொந்த மண்ணில் தொடர்ந்து 10வது தொடரை வென்றது.
