ஆஸி., சாதனையை தூஸியாக்கி காலி பண்ண இந்தியா….!

0
42

ஹைதராபாத்: விண்டீஸ் அணிக்கு எதிரான இரண்டாவது டெஸ்டில் வெற்றி பெற்ற இந்திய அணி, ஆஸ்திரேலிய அணியின் சாதனையை சமன் செய்தது.

இந்தியா வந்துள்ள விண்டீஸ் அணி, 2 டெஸ்ட், 5 ஒருநாள், 3 டி-20 போட்டிகள் கொண்ட தொடரில் பங்கேற்கிறது. ராஜ்கோட்டில் நடந்த முதல் டெஸ்டில் இந்திய அணி ஒரு இன்னிங்சில் 272 ரன்கள் வித்தியாசத்தில் வென்றது.

இந்நிலையில் இரு அணிகள் மோதும் இரண்டாவது டெஸ்ட் போட்டி ஹைதராபாத்தில் நடந்தது. முதல் இன்னிங்சில் விண்டீஸ் அணி, 311 ரன்களுக்கு ஆல் அவுட்டானது. இந்திய அணி 367 ரன்களுக்கு ஆல் அவுட்டானது.

ஜூஜூபி இலக்கு:
இதையடுத்து இரண்டாவது இன்னிங்சில் விண்டீஸ் அணி, 127 ரன்களுக்கு ஆல் அவுட்டானது. இதன் மூலம் இந்திய அணிக்கு 72 ரன்கள் இலக்காக நிர்ணயித்தது.

இந்நிலையில் ஜூஜூபி இலக்கை துரத்திய இந்திய அணிக்கு, பிரித்வீ ஷா, ராகுல் கைகொடுக்க, இந்திய அணி இரண்டாவது இன்னிங்சில் விக்கெட் இழப்பின்றி, 75 ரன்கள் எடுத்து 10 விக்கெட் வித்தியாசத்தில் இமாலய வெற்றி பெற்றது.
எல்லாமே ‘10’

* இப்போட்டியில் இந்திய அணி 10 விக்கெட் வித்தியாசத்தில் வெற்றி பெற்றது.

* இத்தொடரில் அறிமுக வீரராக களமிறங்கிய பிர்த்வீ ஷா, அறிமுக தொடரில் தொடர் நாயகன் விருது வென்ற 10வது வீரர் என்ற பெருமை பெற்றார்.

* விண்டீஸ் அணிக்கு எதிரான டெஸ்ட் தொடரை வென்ற இந்திய அணி, சொந்த மண்ணில் தொடர்ந்து 10வது தொடரை வென்றது.

இதன் மூலம் சொந்த மண்ணில் தொடர்ந்து அதிக தொடர்களை வென்ற அணிகள் பட்டியலில், இந்திய அணி ஆஸ்திரேலியா அணியின் சாதனையை சமன் செய்தது. ஆஸ்திரேலிய அணி கடந்த 1994/95 – 2000-01ம் ஆண்டு மற்றும் 2004/05-2008/09ல் என இரண்டு முறை சொந்த மண்ணில் தொடர்ந்து 10 டெஸ்ட் தொடரை கைப்பற்றி சாதித்துள்ளது.

LEAVE A REPLY

Please enter your comment!
Please enter your name here