Indian Rupee: அமெரிக்க டாலருக்கு எதிரான இந்திய ரூபாய் மதிப்பு ரூ. 74 ஆக வீழ்ச்சி!!

0
55

அமெரிக்க டாலருக்கு எதிரான இந்திய ரூபாயின் மதிப்பு முதன் முறையாக ரூ. 74.10 ஆக பெரிய அளவில் வீழ்ச்சி அடைந்துள்ளது.

அமெரிக்க டாலருக்கு எதிரான இந்திய ரூபாயின் மதிப்பு முதன் முறையாக ரூ. 74.10 ஆக பெரிய அளவில் வீழ்ச்சி அடைந்து இதன் பாதிப்பு பங்குச் சந்தையிலும் எதிரொலித்துள்ளது.

ரிசர்வ் வங்கி இன்று குறுகிய காலக் கடனுக்கான வட்டியில் எந்த மாற்றத்தையும் அறிவிக்கவில்லை. ரெபோ விகிதம் அதே அளவில் அதாவது 6.50 சதவீதத்தில் தொடரும் என்று அறிவித்துள்ளது. இந்த நிலையில் முதன் முறையாக அமெரிக்க டாலருக்கு எதிரான இந்திய ரூபாயின் மதிப்பு இன்று ரூ. 74.10 ஆக சரிநது இறக்குமதியாளர்களுக்கும், பங்குச் சந்தை முதலீட்டாளர்களுக்கும் அதிர்ச்சியை ஏற்படுத்தியுள்ளது. மேலும், கச்சா எண்ணெய் விலை அதிகரித்து நடப்புக் கணக்கு பற்றாக்குறையும் அதிகரிக்கும் என்ற அச்சம் ஏற்பட்டுள்ளது.

தொடர்ந்து சர்வதேச அளவில் கச்சா எண்ணெய் விலை அதிகரித்து வருவது ரூபாய் மதிப்பு வீழ்ச்சிக்கு காரணமாக கூறப்படுகிறது. தொடர்ந்து எண்ணெய் விலை அதிகரித்து வருவதால், உள்நாட்டு எண்ணெய் நிறுவனங்கள் வெளிநாடுகளில் இருந்து 10 பில்லியன் டாலர் அளவிற்கு கடன் திரட்டிக் கொள்ள கடந்த புதன்கிழமை இந்திய ரிசர்வ் வங்கி அனுமதி வழங்கி இருப்பதாக தகவல் வெளியானது. மேலும், அக்டோபர் மாதம் 36,000 கோடி ரூபாய் வங்கிகளுக்கு வழங்கப்படும் என்று ஏற்கனவே ரிசர்வ் வங்கி அறிவித்து இருந்தது குறிப்பிடத்தக்கது.

LEAVE A REPLY

Please enter your comment!
Please enter your name here