ஒரே வருஷத்துல இத்தனை பேரா? இளைஞர்களுக்கு முக்கியத்துவம் கொடுக்கும் ‘கிங்’ கோலி!

0
422

ஹைதராபாத்: விண்டீஸ் அணிக்கு எதிரான இரண்டாவது டெஸ்டில், இந்திய அணியின் சார்துல் தாகூர் அறிமுக வீரராக வாய்ப்பு பெற்றார்.

இந்தியா வந்துள்ள விண்டீஸ் அணி, 2 டெஸ்ட், 5 ஒருநாள், 3 டி-20 போட்டிகள் கொண்ட தொடரில் பங்கேற்கிறது. ராஜ்கோட்டில் நடந்த முதல் டெஸ்டில் இந்திய அணி ஒரு இன்னிங்சில் 272 ரன்கள் வித்தியாசத்தில் வென்றது.

இந்நிலையில் இரு அணிகள் மோதும் இரண்டாவது டெஸ்ட் போட்டி இன்று ஹைதராபாத்தில் நடக்கிறது. இதில் டாஸ் வென்ற விண்டீஸ் அணி கேப்டன் ஹோல்டர் முதல் பேட்டிங் தேர்வு செய்தார்.

சார்துல் அறிமுகம்: 
இந்நிலையில் இந்திய அணியில் சார்துல் தாகூர் அறிமுக வீரராக வாய்ப்பு பெற்றார். விண்டீஸ் அணியில் இரண்டு மாற்றங்கள் செய்யப்பட்டது.

இதில் அறிமுக வீரராக வாய்ப்பு பெற்ற சார்துல் தாகூர், இந்திய அணிக்காக டெஸ்ட் போட்டிகளில் பங்கேற்கும், 294வது வீரர் என்ற பெருமை பெற்றார். இவருக்கு பயிற்சியாளர் ரவி சாஸ்திரி அறிமுக கேப்பை வழங்கினார்.

5வது வீரர்: 
இதன் மூலம் இந்திய அணி இந்த ஆண்டில் மட்டும் டெஸ்டில் 5வது வீரருக்கு வாய்ப்பு வழங்கியது. இந்த ஆண்டில் ஜஸ்பிரீத் பும்ரா, ஹனுமா விஹாரி, ரிஷப் பண்ட், பிரித்வீ ஷா, சார்துல் தாகூர் ஆகியோர் இந்திய டெஸ்ட் அணியில் அறிமுக வாய்ப்பு பெற்றனர்.

* கடந்த 2013ல் ( முகமது ஷமி, ரோகித் சர்மா, அஜின்கியா ரகானே, ஷிகர் தவான், புவனேஷ்வர் குமார்) இதே போல ஒரே ஆண்டில் ஐந்து வீரர்களை இந்திய அணி அறிமுகம் செய்தது.

வெளியேறிய பரிதாபம்: 
ஆனால், இந்திய அணிக்காக இவர் 2 ஓவர்கள் கூட முழுமையாக பவுலிங் செய்யாத நிலையில், காயம் காரணமாக வெளியேறினார்.

LEAVE A REPLY

Please enter your comment!
Please enter your name here