பிரிட்ஜ், பைக், கார் வைத்திருந்தால் ‘மோடி கேர்’ கிடையாது!

0
32

தேசிய சுகாதார நிறுவனம் மாநில அரசுகளுக்குச் அனுப்பியுள்ள சுற்றறிக்கை தேசிய மருத்துவக் காப்பீடு திட்டத்துக்கு தகுதியுள்ளவர்கள் யார் என விளக்கும் வகையில் உள்ளது.

பிரிட்ஜ், பைக், கார் வைத்திருந்தாலோ அல்லது ரூ.10 ஆயிரத்துக்கும் அதிகமாக வருமானம் இருந்தாலோ மத்திய அரசின் மோடி மருத்துவக் காப்பீடுகிடைக்காது என சுகாதாரத்துறை அமைச்சகம் தெரிவித்துள்ளது.

ஆயுஷ்மான் பாரத் என்றும் மோடிகேர் என்றும் அழைக்கப்படும் தேசிய மருத்துவக் காப்பீடு திட்டம் 2018-19ஆம் ஆண்டுக்கான மத்திய பட்ஜெட்டில் அறிவிக்கப்பட்டது. இத்திட்டத்தை கடந்த செப்டம்பர் 23ஆம் தேதி பிரதமர் நரேந்திர மோடிஜார்கண்டில் தொடங்கி வைத்தார்.

இத்திட்டத்தின் கீழ் ஒவ்வொரு குடும்பத்தினரும் ஆண்டுக்கு ரூ.5 லட்சம் வரை மருத்துவக் காப்பீடு பெறலாம். 10 கோடிக்கும் அதிகமான குடும்பங்கள் இதன் மூலம் பலடைவார்கள் என மத்திய அரசு கூறியது. தேசிய சுகாதார நிறுவனம் (NHA) இந்த திட்டத்தை நடைமுறைப்படுத்துகிறது.

இந்நிலையில் தேசிய சுகாதார நிறுவனம் மாநில அரசுகளுக்குச் அனுப்பியுள்ள சுற்றறிக்கை தேசிய மருத்துவக் காப்பீடு திட்டத்துக்கு தகுதியுள்ளவர்கள் யார் என விளக்கும் வகையில் உள்ளது.

அதன்படி, ஒரு குடும்பத்தின் மாத வருமானம் ரூ.10,000க்கு மேல் இருந்தாலோ, பிரிட்ஜ், பைக், கார், லேண்ட்லைன் தொலைபேசி வைத்திருந்தாலோ அவர்கள் தேசிய மருத்துவக் காப்பீடுத் திட்டத்தின் பலனைப் பெற முடியாது.

மீன்பிடி படகு, டிராக்டர் அல்லது 3 சக்கர உழவு எந்திரம், ரூ.50,000க்கு மேல் மதிப்புடைய கிசான் கடன் அட்டை போன்றவற்றை வைத்திருந்தாலோ, வீட்டில் 2 அல்லது 3 அறைகள் இருந்தாலோ, சிமெண்ட் சுவர், கான்கிரீட் கூரை இருந்தாலோ இத்திட்டத்தின் கீழ் வரமாட்டார்கள்.

அரசு ஊழியர்கள், வருமானவரி செலுத்துவோர், வர்த்தக வரி செலுத்துவோர், விவசாயம் சாராத நிறுவனங்கள் நடத்துவோர் ஆகியோரும் தேசிய சுகாதாரக் காப்பீடு திட்டத்துக்குள் வரமாட்டார்கள்.

2.5 ஏக்கருக்கு அதிகமான பாசன நிலம், பாசன உபகரணங்கள், 5 ஏக்கர் அல்லது அதிகமான பாசன நிலத்தை 2 அல்லது அதற்கு மேலாக பயிர் பருவங்களில் வைத்திருப்போர், குறைந்தபட்சம் 7.5 ஏக்கர் நிலம், பாசன உபகரணங்கள் வைத்திருப்போர் ஆகியோரும் இத்திட்டத்தில் பலனடைய முடியாது.

இதுவரை நகர்ப்புறங்களில் பிச்சைக்கார்கள், வீட்டுவேலை செய்பவர்கள், தெருவில் வியாபாரம் செய்பவர்கள், சாலையில் அமர்ந்து சேவைப்பணியில் ஈடுபடுவோர், கட்டுமானப் பணியாளர்கள், பிளம்பர்கள், கொத்தனார்கள், கூலித்தொழிலாளர்கள், பெயிண்டர்க்ள், வெல்டர்கள், செக்கியூரிட்டி, சுமைகூலிகள், துப்புரவுப்பணியாளர்கள் ஆகியோர் இந்தத் திட்டத்தில் சேரலாம்.

LEAVE A REPLY

Please enter your comment!
Please enter your name here