மசூதியில் பெண்களை தொழுகைக்கு அனுமதிக்க வேண்டும்: விரைவில் மனு

0
46

மசூதியில் பெண்கள் தொழுகைக்கு அனுமதிக்கப்பட வேண்டும் என்று இஸ்லாமிய பெண்கள் கூட்டமைப்பு சாா்பில் உச்சநீதிமன்றத்தில் விரைவில் மனுத்தாக்கல் செய்யப்பட உள்ளது.

சபரிமலையில் பெண்கள் அனுமதிக்கப்பட வேண்டும் என்ற உச்சநீதிமன்ற உத்தரவைத் தொடா்ந்து மசூதியில் தொழுகைக்கு பெண்கள் அனுமதிக்கப்பட வேண்டும் என்ற கோாிக்கையை முன்வைத்து உச்சநீதிமன்றத்தில் புதிய மனு தாக்கல் செய்யப்பட உள்ளது.

சபரிமலை ஐயப்பன் கோவிலில் அனைத்து வயது பெண்களும் அனுமதிக்கப்பட வேண்டும் என்று சமீபத்தில் உச்சநீதிமன்றம் உத்தரவிட்டிருந்தது. வரலாற்று முக்கியத்துவம் வாய்ந்த இந்த தீா்ப்புக்கு நோ்மறை, எதிா்மறை கருத்துகள் வந்த வண்ணம் உள்ளன. இந்நிலையில் மசூதியில் பெண்கள் தொழுகைக்கு அனுமதிக்கப்பட வேண்டும் என்று உச்சநீதிமன்றத்தை நாட பெண்கள் கூட்டமைப்பு முடிவு செய்துள்ளது.

இது தொடா்பாக வி.பி.ஜுஹாரா பேசுகையில், புனித குா்ஆன் நூலிலும், இறைத்தூதா் முகமது நபியும் ஒருபோதும் பெண்கள் மசூதிகள் வந்து தொழுகை நடத்தக் கூடாது என்று கூறியதற்கான எந்தவிதமான ஆதாரங்களும் கிடையாது.

அனைத்து வயது பெண்களும் சபரிமலை கோவிலுக்கு சென்று சாமி தரிசனம் செய்யலாம் என்ற உச்சநீதிமன்ற தீா்ப்பு வரலாற்று முக்கியத்துவம் வாய்ந்தது. ஆண்களை போன்று பெண்களும் தங்களுக்குரிய நம்பிக்கையின் அடிப்படையில் அரசியலமைப்பு சட்ட உரிமைகள் படி வழிபாடு நடத்த உரிமை உண்டு. சபரிமலையை போன்று மசூதிகளிலும் அனைத்து பெண்களும் சென்று வழிபாடு நடத்த அனுமதிக்க வேண்டும். இதில் காட்டப்படும் பாகுபாடுகள் அகற்றப்பட்டு உரிமைகள் நிலைநாட்டப்பட வேண்டும்.

உச்சநீதிமன்றம் செல்வது தொடா்பாக எங்களுடைய வழக்கறிஞருடன் பேசி வருகிறோம். விரைவில் மனுத்தாக்கல் செய்வோம் என்று தொிவித்துள்ளாா்.

LEAVE A REPLY

Please enter your comment!
Please enter your name here