சதத்துடன் துவங்கி….சாதனையுடன் முடித்த பிரித்வீ ஷா… இந்த வயசுல இதுலயும் சாதனை!

0
30

ஹைதராபாத்: விண்டீஸ் அணிக்கு எதிரான இரண்டாவது டெஸ்டில் 10 விக்கெட் வீழ்த்தி, இந்திய அசுர வேகப்பந்து வீச்சாளர் உமேஷ் யாதவ் அசத்தினார்.

இந்தியா வந்துள்ள விண்டீஸ் அணி, 2 டெஸ்ட், 5 ஒருநாள், 3 டி-20 போட்டிகள் கொண்ட தொடரில் பங்கேற்கிறது. ராஜ்கோட்டில் நடந்த முதல் டெஸ்டில் இந்திய அணி ஒரு இன்னிங்சில் 272 ரன்கள் வித்தியாசத்தில் வென்றது.

இந்நிலையில் இரு அணிகள் மோதும் இரண்டாவது டெஸ்ட் போட்டி ஹைதராபாத்தில் நடந்தது. முதல் இன்னிங்சில் விண்டீஸ் அணி, 311 ரன்களுக்கு ஆல் அவுட்டானது. இந்திய அணி 367 ரன்களுக்கு ஆல் அவுட்டானது.

ஜூஜூபி இலக்கு: 
இதையடுத்து இரண்டாவது இன்னிங்சில் விண்டீஸ் அணி, 127 ரன்களுக்கு ஆல் அவுட்டானது. இதன் மூலம் இந்திய அணிக்கு 72 ரன்கள் இலக்காக நிர்ணயித்தது.

இந்நிலையில் ஜூஜூபி இலக்கை துரத்திய இந்திய அணிக்கு, பிரித்வீ ஷா, ராகுல் கைகொடுக்க, இந்திய அணி இரண்டாவது இன்னிங்சில் விக்கெட் இழப்பின்றி, 75 ரன்கள் எடுத்து 10 விக்கெட் வித்தியாசத்தில் இமாலய வெற்றி பெற்றது.

இரண்டாவது வீரர்: 
பிரித்வீ ஷா (33) இப்போட்டியின் வெற்றி ரன்களை அடித்தார். இதன் மூலம் டெஸ்ட் அரங்கில் இளம் வயதில் அணியின் வெற்றி ரன்களை அடித்த இரண்டாவது வீரர் என்ற பெருமை பெற்றார் பிரித்வீ ஷா. இவர் 18 வயது 339 நாட்களில் இம்மைல்கல்லை எட்டியுள்ளார்.

* முன்னதாக ஆஸ்திரேலியாவின் பேட் கம்மின்ஸ் (18 வயது 198 நாட்கள்) டெஸ்ட் அரங்கில் அணியின் வெற்றி ரன்களை அடித்த வீரர் என்ற பெருமை பெற்றார்.

10வது வீரர்….
இந்நிலையில் தனது அறிமுக தொடரிலேயே தொடர் நாயகன் வென்ற வீரர்கள் பட்டியலில் பிரித்வீ ஷா 10வது இடம் பிடித்தார்.

அறிமுக டெஸ்ட் தொடரில் தொடர் நாயகன் விருது வென்ற வீரர்கள் பட்டியல்:

சவுரவ் கங்குலி, 1996 (எதிர்- இங்கிலாந்து)

ஜாக்கஸ் ருடால்ப், 2003 (எதிர்- வங்கதேசம்)


ஸ்டுவர்ட் கிளார்க், 2006 (எதிர்- தென் ஆப்ரிக்கா)

அஜெந்தா மெண்டிஸ், 2008 (எதிர்- இந்தியா)

ரவிச்சந்திரன் அஷ்வின், 2011 (எதிர்-விண்டீஸ்)

வெரான் பிளாண்டர், 2011 (எதிர்- ஆஸ்திரேலியா)

ஜேம்ஸ் பாடின்சன், 2011 (எதிர்- நியூசிலாந்து)

ரோகித் சர்மா, 2013 (எதிர்- விண்டீஸ்)

மெஹாதி ஹாசன், 2016 (எதிர்- இங்கிலாந்து)

பிரித்வீ ஷா, 2018 (எதிர்- விண்டீஸ்)

LEAVE A REPLY

Please enter your comment!
Please enter your name here