இந்தியப் பங்குச் சந்தை வீழ்ச்சி: முதலீட்டாளர்களுக்கு ரூ. 4 லட்சம் கோடி இழப்பு!!

0
248
இந்தியப் பங்குச் சந்தை வீழ்ச்சி
இன்று காலை பங்குச் சந்தை வர்த்தகம் துவங்கிய 5 நிமிடத்தில் முதலீட்டாளர்கள் 4 லட்சம் கோடி மதிப்பிலான முதலீட்டை இழந்தனர்.

பங்குச்சந்தை வர்த்தகத்தில் இருந்து கிடைத்து இருக்கும் தகவலின்படி இது தெரிய வந்துள்ளது. சென்செக்ஸ் வர்த்தக பட்டியலில் லிஸ்ட் ஆகி இருக்கும் நிறுவனங்களின் மதிப்பு நேற்று ரூ. 138.39 லட்சம் கோடியாக இருந்தது. இதுவே கடந்த ஆகஸ்ட் 30ஆம் தேதி ரூ. 159.34 லட்சம் கோடியாக இருந்தது.

சமீபத்தில் நடந்த வர்த்தகத்தில் இன்றைய இழப்புதான் பெரிய அளவில் நடந்துள்ளது என்பது தெரிய வந்துள்ளது. அமெரிக்க பங்கு வர்த்தகம் இன்று சரிவை கண்டதையடுத்து ஆசிய பங்குச் சந்தையும் 5 சதவீத சரிவைக் கண்டது.

இன்று காலை துவங்கிய பங்குச் சந்தையில் நிப்டி சுமார் 307 புள்ளிகள் சரிந்து 10,200 புள்ளிகளாகவும், சென்செக்ஸ் 1,029 புள்ளிகள் சரிந்து 33,732 புள்ளிகளாக இருந்தது. இன்று காலைய வர்த்தகத்தில் மட்டும் மொத்தம் 300 புள்ளிகள் சரிந்து, 861.43 புள்ளிகளாக இருந்தது. பின்னர் இது 493 புள்ளிகளாக நீடித்தது.

இன்றைய இழப்புக்கு முக்கிய காரணமாக அமெரிக்க பங்குச் சந்தை சரிவு, இதைத் தொடர்ந்து ஆசிய பங்குச் சந்தை சரிவு காரணங்களாக கூறப்படுகிறது. மேலும் அமெரிக்க டாலருக்கு எதிரான இந்தியா ரூபாயின் மதிப்பு இன்றும் சரிவைக் கண்டது. இந்திய ரூபாய் மதிப்பு இன்று 74.45 காசுகளாக வீழ்ச்சி அடைந்தது. ரூபாய் மதிப்பு வீழ்ச்சி மற்றும் பங்குச் சந்தை வீழ்ச்சி என்று இன்று உலகமே சரிவை சந்தித்துள்ளது.

நேற்றைய பங்குச் சந்தையில் இந்திய முதலீட்டாளர்கள் முதலீடு செய்தாலும், வெளிநாட்டு முதலீட்டாளர்கள் தங்களது முதலீட்டை விற்று வெளியேறினர். இந்த வகையில் இந்தாண்டு மட்டும் வெளிநாட்டு முதலீட்டாளர்கள் இந்திய சந்தையில் இருந்து 10 பில்லியன் அளவிற்கு தங்களது பங்குகளை விற்று வெளியேறினர். அதிகரித்து வரும் கச்சா எண்ணெய் விலை உயர்வு, நடப்பு கணக்கு பற்றாக்குறை, ரூபாய் மதிப்பு வீழ்ச்சி, வங்கிகள் அல்லாத நிதி நிறுவனங்கள் கடன் கொடுத்து திரும்பி வராத வகையில் ஏற்பட்ட இழப்பு ஆகியவை வெளிநாட்டு முதலீட்டாளர்களின் வெளியேற்றத்துக்கு காரணங்களாக பார்க்கப்படுகிறது.

LEAVE A REPLY

Please enter your comment!
Please enter your name here